Roma Papası XVI Benedikt istefaya gedəcəyini açıqlayıb. 85 yaşlı pontifik Vatikanda latın dilində müraciətində fevralın 28-də öz vəzifə səlahiyyətlərini təhvil verəcəyini deyib.
Papanın sözlərinə görə, o, səhhəti ilə əlaqədar işini davam etdirə bilməyəcək və bu qərarı uzun müddət götür-qoy etdikdən sonra verib.
Vatikanın mətbuat xidməti də Roma Papasının istefa qərarını xarici kütləvi-informasiya vasitələrinə təsdiqləyib.
Qeyd edək ki, bundan əvvəl öz istəyi ilə istefaya getmiş Roma Papası 1415-ci ildə bu qərarı verən XII Qriqori olub.