ABŞ-ın varlı ailələrinin tanınmış maliyyə məsləhətçisi, “Rockefeller & Co” investisiya şirkətinin rəhbəri Ceyms Makdonald Massaçusets ştatının Dartmut şəhərində intihar edib. ANS PRESS, “Reuters” agentliyinə istinadən xəbər verir ki, Rokfellerlər xanədanının aktivlərinin 56 yaşlı idarəçisinin meyiti ticarət mərkəzinin qarşısında dayanmış avtomobildən tapılıb.
Ceyms Makdonald ABŞ-ın işgüzar dairələrində 1882-ci ildə neft maqnatı Con Rokfeller tərəfindən yaradılmış “Rockefeller & Co” şirkətini ölkənin ən böyük investisiya şirkətlərindən birinə çevirən şəxs kimi tanınır. Şirkətin aktivləri təxminən 28 milyard dollardır.
İş adamını itihara məcbur edə biləcək mümkün səbəblər barədə hələlik heç bir məlumat yoxdur. Araşdırma aparılır.