Dünya Çempionatının finalında, 13 iyul tarixində, “Marakana” stadionunda Almaniya və Argentina yığmaları görüşəcək. ANS PRESS-in məlumatına görə, oyunla əlaqədar bütün ölkə ərazisdindən Rio-de-Janeyroya axın fantastik həddə çatıb. Buenos-Ayresdən isə avia biletlərin qiyməti 2 dəfə artıb.

Bu axının qarşısında Braziliya polisi gücləndirilmiş iş rejiminə keçib. Şəhərin ən çox kütlə yığıla biləcək turistik rayonlarını beş minə yaxın polis qoruyur. Oyun zamanı eləcədə min beş yüzə yaxın şəxsi qoruma şirkətlərinin nümayəndələri də olacaq.

Qeyd edək ki, Rio-de-Janeyroya 15 ölkə başçısının gəlişi gözlənilir. Bununla da əlaqədar olaraq əlavə təhlükəsizlik tədbirləri görülüb.