“Bizlər dünyaya düşmən kimi gəlmədik və düşmənlər kimi yaşamağımıza da ehtiyac yoxdur”. Bunu İsrail prezidenti Şimon Peres ölkə parlamenti Knessetin açılışının 63-cü ildönümüdəki çıxışında İrana müraciətlə deyib. İranı sülhə çağıran ölkə başçısı 2 xalqın bir-birinə düşmən olmamasının vacibliyini vurğulayıb. Çıxışında, “Tarixi mirasımızı düşmənlik bayrağının kölgəsində qoymayın!” – deyən Peres İran xalqının müharibə və qalmaqlı yox, sülhü və dostluğu sevən həssas bir xalq olduğunu deyib.