Böyük Britaniyanın sərhəd xidməti ölkə tarixində rekord həcmdə heroin tutub. Narkotikin dəyəri 25 milyon avrodur. Heroin Londondakı Hitrou hava limanında tapılıb. Sərhədçilər Cənubi Afrika reysinin sərnişinlərinə məxsus 165 kiloqram heroini yük yerində aşkarlayıblar. Şübhəli şəxslərin həbsindən sonra Kent qraflığında da əməliyyat aparılıb və daha 80 kiloqram narkotik ələ keçirilib.
Cənubi Afrikada isə polis 115 kiloqram heroin aşkarlayıb. Ümumilikdə əməliyyat zamanı 7 nəfər, o cümlədən iki britaniyalı həbs edilib.