İngiltərənin Somerset əyalətində sığırçın sürüsü onları ovlamaq istəyən şahinin hücumundan müdafiə olunmaq üçün qəribə bir yol seçiblər. “İhlas” agentliyinin (İHA) yaydığı məlumata görə, quşlar sürü halında nəhəng bir şahin şəklini alıblar. Bu qeyri-adi təbiət hadisəsini şəkil çəkmək üçün sığırçınlarıyla məşhur bölgədə olan həvəskar fotoqraf Rob Volstenholme təsadüfən çəkməyə müvəffəq olub. Məlumata görə, sığırçınlar 15 dəqiqə bu şəkildə uçaraq şahini uzaqlaşdıra biliblər.