Qüds şəhərində “Hevra Kadişa” adlı yerli dəfn bürosu sakinlərə “Çoxmərtəbəli qəbiristanlıq” adlı yeni layihəsini reallaşdırmağa hazırlaşır. ANS PRESS-in Rusiya mətbuatına istinadən verdiyi məlumata görə, layihənin dəyəri İsrailin pul vahidi olan 25 milyon şekellə ölçülür. Təklif olunan layihə Qüdsün Ər-Menuhot dağında 35 min yeni qəbir salmağa kömək edəcək.

Meyitlər 6 qatdan ibarət olan qəbirlərdə dəfn ediləcəklər. Torpağın alt qatındakı qəbirlər ən baha qiymətə - 13,5 min şekelə satılacaq.