Qondarma Abxaziya respulikasının başçısı Aleksandr Ankvaba qarşı sui-qəsd cəhdi olub. "İnterfax" agentliyinin Rusiyadakı Abxaziya səfirinə istinadən verdiyi məlumata görə, Aleksandr Ankvabın olduğu avtomobil atəşə tutulub. Respublika başçısı özü xəsarət almayıb, lakin onun cangüdəni ağır yaralanıb. Ankvabın avtomobili o, Suxumiyə işə gedərkən Qudauta şəhəri yaxınlığında avtomatdan atəşə tutulub.

Qeyd edək ki, bu, əvvəllər baş nazir və vitse-prezident vəzifələrini tutan Aleksandr Ankvaba qarşı 5-ci sui-qəsd cəhdidir və o, bir neçə dəfə xəsarət alıb.