Gürcüstanda keçirilən prezident seçkilərində exit-pollun nəticələri açıqlanıb. ANS PRESS-in məlumatına görə, iqtidarda olan "Gürcü arzusu" partiyasının prezidentliyə namizədi Qeorgi Marqvelaşvili 63,27 faiz səslə liderdir.

Prezident Mixail Saakaşvilinin partiyasından olan namizəd David Bakradze 21,74 faiz səslə ikinci, Gürcüstan parlamentin eks spikeri Nino Burcanedze isə 9,35 faiz səslə üçüncü yerdə qərarlaşıb.

Qeyd edək ki, Gürcüstan Mərkəzi Seçki Komissiyasının verdiyi məlumata görə, seçkidə seçici fəallığı 46,6 faiz olub. 3 milyon 537 min səsəvermə hüququ olan Gürcüstan vətəndaşlarından 1 milyon 648 min nəfər səsvermədə iştirak edib.