Liviyanın paytaxtı Tripolinin Bab əl-Əziziyyə rayonunda - ölkə lideri Müammər Qəddafinin iqamətgahı yerləşən ərazidə üç partlayış baş verib. Məlumatı “Reuters” agentliyi yayıb. Məlumata görə, ərazi üzərində qara tüstü görünür.

NATO-nun hava hücumu Tripolidə Qəddafi tərəfdarlarının ən kütləvi aksiyalarından biri keçirildikdən və aksiya iştirakçıları Müammər Qəddafinin audiomüraciətii dinlədikdən iki saat sonraya təsadüf edib. Qəddafi müraciətində Avropa bklələrini hücumla hədələyib.

Liviya hakimiyyətinin məlumatına görə, NATO-nun bombardmanları nəticəsində indiyədək 700-dən çox adam həlak olub. Onların əksəriyyəti dinc sakinlərdir. NATO aviasiyası daha çox Tripolidə əhalinin sıx məskunlaşdığı və Müammər Qəddafinin iqamətgahı yerləşən Bab əl-Əziziyyə rayonuna zərbələr endirir. ANSPRESS