Liviya müxalifətinin Qətərdən yayımlanan telekanalı Müammər Qəddafinin ailəsinin yeri ilə bağlı maraqlı məlumat yayıb. Telekanalın məlumatına görə, Liviya liderinin həyat yoldaşı və qızı Belarusdadırlar.

Xatırladaq ki, Müammər Qəddafinin həyat yoldaşı və qızının mayın ortalarında Tunisə getdikləri bildirilirdi. Lakin Tunis tərəfi bu məlumatları təkzib edib. Liviya liderinin böyük oğlu Məhəmməd Müammər Qəddafi isə avropalı yaxınları ilə Tunisin Cerba adasındadır. Bu barədə məlumatı “Al-Quds Al-Arabi” qəzeti yayıb. Məhəmməd Qəddafi Liviyanın Olimpiya Komitəsinin rəhbəridir. O, həmçinin Liviya postuna rəhbərlik edir və ölkədəki iri mobil rabitə şəbəkəsinin sahibidir. ANSPRESS