Liviya Milli Keçid Şurasının silahlıları Sirt şəhərindəki bostanlardan birində içərisində qızıl, dinar və valyuta olan bağlı seyf aşkarlayıblar. Məlumatı “Al-Libya” telekanalı yayıb. Telekanal silahlıların seyfi açdığı anın görüntülərini də nümayiş etdirib. Bostan Sirt şəhərində sonadək müqavimət göstərən məhəllədən tapılıb.

Seyfdə 1 milyon dollar ekvivalentində dinar, dollar və avro ilə dolu kisələr və qızıl külçələr olub.

Silahlılardan biri deyib: “Biz qızıl və valyuta olan sef tapdıq. Sef o qədər ağır idi ki, dörd canlı kişi onu çətinliklə tərpədir. Bu pullar Qəddafi mafiyasınındır. Bunlara görə minlərlə liviyalı öldürülüb”.