Liviya lideri Müəmmər Qəddafi İtaliyaya səfərində İslam dininə dəvət etdiyi 200 italyan qızdan 20 nəfərini Tripolidə qonaq edib. Ziyafətdə iştirak edən qızlar Qəddafinin öz əlləri ilə onlara xurma yedirdiyini, dəvə südü içirdiyini, onlarla kraliça kimi rəftar etdiyini bildirib.

İtaliyanın “Hostessweb” şirkətinin işçisi Klio Evans Kaddafi ona yaxınlaşdığı və “səni istəyən bir nəfər var” – dediyi vaxt Liviya liderinin onu özünə istəyəcəyini fkirləşərək qorxduğunu bildirib.

“Mənə yaxınlaşaraq, “burda səni istəyən bir nəfər var” – dedi. Bir anda məni özünə arvad kimi almaq istədiyini fikirləşərək ürpərdim. Amma sonra başa düşdüm ki, məni nəvəsinə istəyirmiş. Bizi tanış edərək, “istəyirsən?” – deyə soruşdu. Yaraşıqlı oğlan olsa da mən ona, bizim adətlərdə əvvəl tanış olmaq əsasdır – dedim. Gələcəyin nə göstərəcəyini görəcəyik. Amma ona əvvəldən xristian qalacağımı da demişəm”. ANSPRESS