Qazaxıstanın Almatı şəhərində çox sayda sərnişinin yaralanması ilə nəticələnən qatar qəzası baş verib. Rusiya mətbuatının xəbərinə görə, “Almatı-2” qatar stansiyasında lokomotiv manevr edərkən Almatı – Novosibirsk sərnişin qatarına çırpılıb. Baş vermiş qəza nəticəsində 55 sərnişin müxtəlif dərəcəli bədən xəsarətləri alıb. Yaralılardan 5 nəfəri xəstəxanaya çatdırılsa da digərləri hadisə yerində göstərilən ambulator müayinədən sonra evə buraxılıb.