Qazaxıstanın Konstitusiya Şurası hazırki ölkə prezidenti Nursultan Nazarbayevin səlahiyyət müddətinin uzadılmasına dair parlamentin referendumun təyin edilməsi ilə bağlı əsas qanuna qəbul etdiyi düzəlişləri konstitusiyaya uyğun hesab etməyib. ANS PRESS-in “İtar-Tass”a istinadən verdiyi xəbərə görə, qərarı bu gün Konstitusiya Şurasının sədri İqor Roqov açıqlayıb. Onun sözlərinə görə, “qərar formulların dəqiq olmaması səbəbindən qəbul olunub”.

Xatırladaq ki, Qazaxıstanda 2012-ci ildə keçiriləcək prezident seçkisinin əvəzinə ölkə başçısının səlahiyyətlərinin 2020-ci il 6 dekabr tarixinədək uzadılması üzrə referendumun keçirilməsini təklif edilib. ANSPRESS