Manqıstau vilayətinin su polisi idarəsinin baş müstəntiqi Zinur Karajanovun sözlərinə görə, gəmi qeyri-qanuni balıq ovu ilə məşğul olurmuş. Z. Karajanov gəmi heyətinin saxlanıldığını da söyləyib. Onun sözlərinə görə, gəmidə olan 8 nəfərlik heyət üzvlərinin hamısı Azərbaycanın Neftçala rayonunun sakinləridir. Gəmidə 500 kq nərə, 100 kq artıq siyənək balığı, balıqçılıqda istifadəsi qadağan olan alətlər aşkarlanıb.

Faktla bağlı Qazaxıstan Cinayət Məcəlləsinin 287-ci maddəsi ilə cinayət işi başlanılıb.

Qeyd edək ki, fevralın 25-də də Qazaxıstanda daha bir Azərbaycan gəmisi saxlanılıb. “YURD-225” balıqçı gəmisində olan 8 nəfərlik heyət üzvlərinin də hamısı Azərbaycanı vətəndaşlarıdır.