İngiltərədə daha bir heyvana protez taxılıb. Bu dəfə süni üzv taxılan heyvan qaz olub. Qəza keçirən qazın dimdiyinin üst hissəsi protezlə əvəz edilib.

"Daily Mail"in məlumatına görə, Surrey şəhəri yaxınlığında yaşayan “Qarsia" adlı qazın dimdiyi tikanlı məftillərə ilişərək qırılıb. Dili çöldə qalan və yemək yeyə bilməyən "Qarsia" baytarlar tərəfindən əllə qidalandırılıb. Ancaq bu ona kifayət etməyib. Nəticədə heyvanın yuxuya verilməsi məsələsi gündəmə gəlib. Bu zaman qazın köməyinə quşlar üzrə mütəxəssis olan professor Alan Jones gəlib. Fberqlas adlı süni maddədən hazırlanan süni dimdik məftillə qazın başına birləşdirilib.