Şri-Lankada telekanallardan birinin əməkdaşları dəmir yolları barədə məlumat hazırladığı vaxt stansiyada qeyri-adi hadisənin şahidi olub. Operator paytaxt Kolombodan gələrək stansiyaya daxil olan qatarın relslərdə gəzən dalğın bir qadını vurma anını çəkib. Hadisənin şahidləri isə zərbənin nəticəsi ilə yerə yıxılan qadının köməyinə qaçıb. Huşsuz vəziyyətdə qatara mindirilən qadının öldüyü hesab edilsə də onun üçün təcili tibbi yardım çağırılıb. Ancaq qəfildən özünə gələn yaralı insanların təəccüblü baxışları altında yaxşı olduğunu deyib və qardaşı ilə birlikdə stansiyadan uzaqlaşıb: “Bir anda nə olduğunu başa düşmədim. Elə bildim ölmüşəm. Xəstəxanaya ehtiyac yoxdur. Mən yaxşıyam”. ANSPRESS