Bu gecə Qaraçay-Çərkəz Respublikasında yolp polisi postuna silahlı hücum olub. Hüquq-mühafizə orqanlarının məlumatına görə, hadisə nəticəsində bir polis əməkdaşı öldürülüb, ikisi isə ağır yaralanıb.

Məlumata görə, polis əməkdaşları “VAZ-2112” markalı avtomobili sənədlərin yoxlanılması üçün saxlamağa cəhd ediblər. Lakin naməlum şəxslər asayiş keşikçilərinə atəş açıblar.

Hadisədən bir qədər sonra cinayətkarların avtomobili atılmış vəziyyətdə tapılıb. İlkin məlumatlara görə, avtomobil oğurluq olub

Hadisə yerində əməliyyat-axtarış qrupu işləyir. Cinayətkarların axtarışına başlanılıb.