Qəzzaya humanitar yardım aparan “Azadlıq” donanmasındakı “Mavi Mərmərə” gəmisinə İsrail hərbçilərinin keçirdiyi əməliyyat barədə kitab yazılıb. “Kanlı Mavi Marmara” adlı kitabı əməliyyat vaxtı gəmidə olan türkiyəli jurnalist Şefik Dinç yazıb. Baş verənlərin tarixi bir hadisə olduğunu deyən Dinç o anda gəmidə olmasının özü üçün şans olduğunu bildirib. “Orda gördüklərimi kitabda ətraflı yazmışam. Kitabda orda çəkməyə müvəffəq olduğum foto-şəkilləri də dərc etdirmişəm. Bu foto-şəkillərdən bəziləri mətbuatda nümayiş olunmayıb”.

“Mavi Mərmərə” gəmisində baş verənlərin səhvlər silsiləsi olduğunu deyən Dinç, hadisəni həm Türkiyənin, həm Fələstinin, həm də İsrailin baxışı ilə dəyərləndirdiyini deyib. anspress