ABŞ prezidenti Barak Obama seçki kampaniyası çərçivəsində səfər etdiyi San Fransiskoda qeyri-adi etiraz aksiyası ilə qarşılaşıb. Bir qrup aksiyaçı qadın ABŞ-a aid məxfi sənədləri “Wikileaks” saytına sızdırmaqda ittiham olunan Bredli Manninqə dəstək nümayiş etdirmək üçün prezidentin çıxışı vaxtı mahnı oxumağa başlayıb. Obamanın çıxışı vaxtı ayağa qalxan aksiyaçı qadın tədbirdə iştirak edən digər aksiyaçıların müşayiəti ilə Manninqə dəstək məqsədilə hazırlanmış mahnını oxuyub. Prezident Barak Obama etiraz səbəbilə bir müddət çıxışına ara verməli olub. ANSPRESS