Ukraynada qeyri-adi hadisə baş verib. ANS PRESS-in Rusiya mətbuatına istinadən verdiyi məlumata görə, Kiyev-Çop yolunda yağan güclü qar nəticəsində yaranan bir neçə kilometrlik tıxacda bir qadın doğub.

Belə ki, içində hamilə qadın olan maşın Lvov vilayətinin Brodı şəhəri yaxınlığında tıxacda qalıb. Həkimlər hamilə qadının olduğu maşına yaxınlaşa bilmədiyindən, doğuşa qadının əri, yeni doğulan uşağın atası qəbul etməli olub. Belə ki, həkimlər ona doğuş təlimatlarını telefonla məsləhət görürdülər.

Sonda doğuş olduqca uğurlu keçib, uşaq və qadın təhlükəsiz yerdə yerləşdiriliblər.