Rusiyanın baş naziri Vladimir Putin bir qrup alimlə Rusiyanın Kamçatka yarımadasına səyahətə çıxıb. O, səyahət zamanı nəsli kəsilmə təhlükəsi ilə üz-üzə qalan boz balinanı elmi araşdırma üçün oxla vurub.
O, kiçik gəmidə dərisindən nümunə almaq üçün balinaya tüfəngdən bir neçə ox atıb. Və dordüncü fürsətdə istəyinə nail ola bilib.

Rusiyanın baz naziri sahilə dönən zaman qəzet müxbirlərinin suallarını cavablandırıb. Putin “balina vurmağın təhlükəli olub-olmaması” ilə bağlı suala belə cavab verib: “Ümumiyyətlə, belə yaşamaq çox təhlükəlidir. Amma bugünki macəradan zövq aldım. İlk 3 atışda dəqiq ola bilmədim. Amma dördüncü atışda hədəfi vura bildim”.

Putini müşayiət edən bioloqlardan biri isə baş nazirin vurduğu balinanın dəri nümunəsini mətbuat işçilərinə göstərib və əlavə edib ki, bu nümunə ilə balinanın haradan-hara gəldiyini öyrənəcəklər.
ANSPRESS