ANS PRESS-in məlumatına görə, blogger XVIII əsrdə yaşamış Talmud şərhçisi, kabbalaçı, Vilen ravvini Eliyax ben Şlomo Zalmanın dünyanın sonu barədə dediklərini yada salıb. Bloggerin fikrincə, yəhudi dini kitablarında dünyanın sonuna yaxın böyük ordu ilə müharibələrə başlayacaq hökmdar Yəjuj (Qoq) məhz Vladimir Putindir.

Xemi Şalevin yazdığına görə, Yəjuj (Qoq) "Roş adlı ölkənin hökmdarıdır". Buna görə, blogger belə nəticəyə gəlir ki, "Qoq Rusiya prezidentdir". O, Məcuc (Maqoq) ölkəsinin isə skiflərin yaşadığı Krım olduğunu bildirir. Blogger yazıb ki, yəhudi dininə görə, Qoqla Maqoqun müharibəsindən sonra dünyanın sonu çatacaq.