Yunan Kiprinin keçmiş prezidenti Tasos Papadopulosun ötən il məzarından itmiş cəsədi hələ də tapılmayıb. Mərhum prezidentin övladları məzardan oğurlanan meyitin qalıqlarının tapılması üçün qeyri-adi addım atmağa hazırlaşır. Belə ki, prezident ailəsi tanınmış israilli parapsixoloq Uri Gellerdən kömək istəməyə hazırlaşır.

Qeyri-adi gücləri olduğunu deyən və "ağıl gücü ilə qaşıq bükərək" özünü tanıdan Geller artıq rum polisindən Papadopulosun məzarı və ətrafının fotolarını alıb.

Qeyd edək ki, Tasos Papadopulos 2003-2008-ci illərdə Yunan Kiprinə rəhbərlik edib. O, ötən il dekabrın 12-də 74 yaşında ikən ağciyər xərçəngindən dünyasını dəyişib. Onun cənubi Lekfoşadakı “Deftera” məzarlığındakı meyiti prezidentin ili ərəfəsində yoxa çıxıb. ANSPRESS