Türk polisinin həyata keçirdiyi əməliyyat nəticəsində içərisində 20 ton pomidor olan yük maşınından külli miqdarda narkotik tapılıb. Polisin Mersindən İstanbula qədər izlədiyi avtomobilin saxlanc yerindən 231 kiloqram heroin tapılıb.

İstanbulda Fatih Sultan Mehmet köprüsündə həyata keçirilən əməliyyatda xeyli sayda polis iştirak edib. Yük maşınında pomidorların altındakı saxlanc yerində hər biri 250 qramlıq paketlərdə qablaşdırılan heroin torbaları tapılıb. İkisi avtomobildə, dördü isə yükün yola salındığı Mersində olmaqla altı nəfər həbs edilib. Külli miqdarda heroinin xaricdə satış üçün aparıldığı bildirilib. ANSPRESS