Polşada güclü şaxtalar nəticəsində son sutkalar ərzində beş nəfər donaraq ölüb. Bu barədə məlumatı böhran vəziyyətlərinin monitorinqini həyata keçirən hökumət mərkəzi yayıb.

Ümumilikdə isə qış girəndən Polşada şaxtadan ölənlərin sayı 28-ə çatıb. Son günlərdə mərkəzi və cənubi yaşayış məntəqələri güclü qarla üzləşib, 12 dərəcə şaxta qeydə alınıb.

Pis hava şəraiti üzündə bir neçə dəmir yolu magcistralları və avtomobil yollarında hərkət dayandırılıb. Avtomobil qəzalarının sayında kəskin artım müşahidə olunur. Yalnız paytaxt Varşavada son 24 saat ərzində baş vermiş yol-nəqliyyat hadisələrinin sayı 100-ü ötüb. ANSPRESS