Bu gün Polşada növbədənkənar prezident seçkisinin vaxtı elan edilib. Polşa Konstitusiyasına əsasən, prezident Lex Kaçinskinin faciəli ölümündən sonra dövlət başçısının səlahiyyətlərini icra edən Seymin spikeri Bronislav Komorovski bu barədə qərar qəbul edib.

Beləliklə, Polşada prezident seçkisi iyunun 20-də keçiriləcək. Mövcud qanunvericiliyə görə, seçkinin vaxtının elan edilməsi ilə onun keçirilməsi arasında 60 gündən az vaxt olmamalıdır.

Xatırladaq ki, Polşa prezidentinin təyyarəsi aprelin 10-da Smolensk ətrafında qəzaya uğrayıb, nəticədə prezident Kaçinski və onun həyat yoldaşı da daxil olmaqla 96 nəfər həlak olub. ANSPRESS