Amerikanın Kaliforniya ştatında polislər əlində oyuncaq avtomat tutan 13 yaşlı oğlanı güllələyib. ANS PRESS-in İA Novosti-yə istinadən verdiyi məlumata görə, onlar yeniyetmənin əlindəki oyuncaq avtomatı gerçək silah zənn edərək atəş açıblar.

Asayiş keşikçilərinin təmsilçisi mətbuata açıqlamasında bildirib ki, oktyabrın 23-də 2 polis əlində avtomat silahı tutan bir oğlanı görüb. Onlar yeniyetmədən silahı yerə qoymağı tələb ediblər. Ancaq onun əmrə tabel olmasını gözləmədən atəş açıblar. Aldığı güllə yarasında yeniyetmə yerindəcə keçinib.

Öldürülən oğlanın atası Rodriqo Lopes oğlu Endinin əlində oyuncaq avtomat olduğunu deyib.

Yeniyetmənin polisləri təhrik etməsi araşdırılır.