Türkiyənin Diyarbəkir vilayətində iki ayrı bölgədə PKK terrorçuları tərəfindən yola döşənən minaların uzaqdan idarə ilə partladılması nəticəsində 2 əsgər şəhid olub. 1-i əsgər olmaqla, daha 2 nəfər də yaralanıb. Diyarbəkir valisi Mustafa Toprağın məlumatına görə, birinci mina hərbi karvanın keçidi zamanı partladılıb.

Diyarbəkir-Bingöl yolunda ikinci minanın partlaması nəticəsində isə insan itkisi olmayıb. Hər iki bölgədə hərbçilərə pusqu quran PKK terrorçularının ələ keçirilməsi istiqamətində əməliyyata başlanılıb.

Türkiyənin Van vilayətində isə polislərə silahlı hücum edən PKK-çılara qarşı başladılmış əməliyyat nəticəsində biri ölü, biri isə sağ olmaqla, 2 terrorçu ələ keçirilib.