Bu gün Almaniyada keçirilən 176-cı “Oktoberfest” pivə bayramı başa çatıb. 16 gün davam edən festivalı təqribən 5,7 milyon nəfər ziyarət edib.

Tədbir iştirakçılarının verdiyi məlumata görə, ötən il pivə bayramında iştirak edənlərin sayı təxminən 6 milyon nəfər təşkil edib. Bundan əlavə, bu dəfə pivə də az içilib - 6,5 milyon litr. Lakin ötən il bu göstərici 6,6 milyon litrə bərabər olub.

Festival təşkilatçıları bunu dünya maliyyə böhranı və “Əl-Qaidə” təşkilatının Almaniyaya ünvanladığı təhdidlərlə əlaqələndiriblər. ANSPRESS