Yaponiyada zooparkda pinqvin oğurlamağa çalışan şəxs parkın mühafizəçisi tərəfindən saxlanılıb. Naqasaki şəhər zooparkında baş vermiş hadisədə 24 yaşlı şəhər sakini Akira Honda 5 min dollar qiyməti olan Humbolt pinqvinini çantasına yerləşdirərkən tutulub. Ələ keçirilən Honda ilkin ifadəsində borc içində olduğunu, pinqvini sataraq borclarını ödəmək istədiyini deyib.

Daha əvvəl də donuz və meymun oğurlamağa cəhd etmiş Akira Honda həbs olunub.

Qeyd edək ki, Humbolt pinqvinləri Cənubi Amerikada yaşayırlar. Təxminən 70 cm boyu olan bu cins təbiətdə yox olmağa başladığı üçün adları “Qırmızı kitab”a düşüb. Mütəxəssislər təbiətdə 12 min Humbolt pinqvini olduğunu hesab edir. ANSPRESS