İngiltərənin şimal-şərqində yerləşən özəl Santfort hava limanından qalxan kiçik təyyarənin pilotu bayılıb. ANS PRESS BBC-yə istinadən bildirir ki, göyərtədə olan yeganə sərnişin Con Uayldi sükanın arxasına keçib və təyyarəni endirib.

Britaniya polisinin sözlərinə görə, pilot dünyasını dəyişib. 77 yaşlı Uayldi buna kimi heç zaman təyyarə idarə etməmişdi və bu məsələdən məlumatsız olub.

BBC-yə verdiyi müsahibəsində o, yalnız xilas olmaq istəyi ilə bunu etdiyini deyib: "Xoşbəxtlikdən, təlimçi daima radio ilə mənimlə danışırdı və bu, mənə yardım etdi. O məndə özümə inam yaratdı".