Moskvanın mərkəzində “Sobol” maşınında 3 inkassatorun meyiti aşkarlanıb. Naməlum şəxslər inkassatorları güllələyib. Moskva şəhər daxili işlər idarəsində faktı təsdiqləyiblər.

Hadisə yerində əməliyyatçılar işləyir. Ölənlərin özəl mühafizə xidmətlərindən birinin əməkdaşları olduğu bildirilir. Meyitlər müayinə üçün ekspertizaya göndərilib.

Bildirilir ki, ölənlərə 10-dan artıq atəş açılıb. Atəşlərin hamısı avtomobilin içindən açılıb ki, bu da qatillərin öldürülənlərlə birlikdə avtomobilin içərisində olduqlarını söyləməyə əsas verir. Hüquq-mühafizə orqanlarının əməkdaşları artıq ortada təlimatın pozulması faktının olduğunu bildirirlər. Onların fikrincə, inkassatorlar təlimatı pozaraq, avtomobilə kənar şəxsləri mindirib və həmin şəxslərin qurbanına çevrilib.

Araşdırma nəticəsində avtomobildə boş pul çantaları aşkarlanıb. Qatillərin nə qədər pul apardığı hələlik açıqlanmır. ANSPRESS