Rusiyanın Volqoqrad şəhərində partladılmış avtobusda qumbara tapılıb. ANS PRESS “RİA Novosti”yə istinadən bildirir ki, hazırda güc struktuları onun təhlükəli olub-olmamasını müəyyən edirlər. Hadisə yerində işləyən əməliyyatçının dediyinə görə, qumbara avtobusun alt hissəsində aşkar edilib.

Xatırladaq ki, bu gün saat 14:05 radələrində Rusiyanın Volqoqrad şəhərində sərnişin avtobusu partladılıb. Partlayış "Volqoqrad Dövlət Universiteti" - “Yubileyni” kinoteatrı marşrutu ilə hərəkətdə olan avtobusda baş verib. Avtobus “Lesobaza” dayanacağında olarkən partlayıb. Partlayış nəticəsində avtobusda olan 40 sərnişindən azı 5 nəfər ölüb, onlarla adam yaralanıb. Yaralılar xəstəxanalara yerlıəşdirilir.

Rusiya Daxili İşlər Nazirliyinin verdiyi məlumata görə, hadisə yerində hüquq-mühafizə orqanları çalışır. Yaralıların xəstəxanaya vaxtında çatdırılması üçün helikopterdən istifadə edilib.