İngiltərədə paltaryuyan maşından ilan çıxıb. Ekseter şəhər sakini 51 yaşlı Vendi Foli yuyulmuş paltarları maşından çıxarmaq istəyərkən orda narıncı rəngli qıvrılmış ilan görür. Qorxaraq şok vəziyyətinə düşən Foli polisə və heyvanlara nəzarət komitəsinə zəng vuraraq onlardan yardım istəyib. Heyvanlara nəzarət komitəsinin əməkdaşı bir gün sonra hadisə yerinə gələrək ilanı paltaryuyan maşından çıxarıb. İlanın zəhərsiz olduğu məlum olub. İlanın paltaryuyan maşına necə girməsi barədə isə məlumat verilməyib. ANSPRESS