Pakistanın paytaxtı İslamabadın yaxındakı Ravalpindi şəhərində terror aktı törədilib. ANS PRESS-in İTAR-TASS-a istinadən verdiyi məlumata görə, hadisə nəticəsində 5 nəfər ölüb, 25 adam yaralanıb. Terrorçu-intiharçı yürüş üçün tplaşan şiələrin arasında partlayış törədib.

Ravalpindidə Pakistanın quru qoşunlarının qərargahı yerləşir. Bu şəhərdəki partlayışdan bir neçə saat əvvəl ölkənin qərbindəki Kvette şəhərində də partlayış törədilib, 5 nəfər ölüb, 7 adam xəsarət alıb.

İslam dünyasının səkkiz inkişaf etmiş ölkəsinin İslamabad sammiti ərəfəsində terror aktları və ekstremist hücumlarının sayı artırıb. Sammitdə Banqladeş, Misir, İndoneziya, İran, Malaziya, Nigeriya, Pakistan və Türkiyənin prezidentləri, hökumət başçısıları və xarici işlər nazirləri iştirak edəcəklər.