Pakistanın şimal-şərqində iki sərnişin avtobusu toqquşub. ANS PRESS-in “Xinhua” agentliyinə istinadən verdiyi məlumata görə, qəza nəticəsində azı 12 nəfər ölüb, 40 adam xəsarət alıb.

İnsident Pəncab əyalətində baş verib. Avtobusların toqquşması nəticəsində altı nəfər hadisə yerində ölüb, daha altı sərnişin isə çatlırıldığı Bxakkara xəstəxanasında dünyasını dəyişib. Həlak olanlar arasında üç qadın və bir uşaq da var. Xəstəxanadakı mənbə qəza qurbanlarının sayının arta biləcəyini açıqlayıb. Çünki yaralılardan bir neçəsinin vəziyyəti ağırdır.

Polis tərəfindən aparılan araşdırmaların ilk nəticəsinə görə, qəzaya yüksək sürət səbəb olub.