Pakistan Hava Qüvvələrinin Əfqanıstanla sərhəd yaxınlığında bu səhər təşkil etdikləri hava hücumları nəticəsində 21 nəfər ölüb. "Associates Press" agentliyinin məlumatına görə, ölənlərin çoxu silahlı döyüşçülərdür. Bundan başqa, Razmak bölgəsində bir evin vurulması nəticəsində 3 qadın və 3 uşaq da öldürülüb.

Pakistan kəşfiyyat qaynaqlarının verdiyi məlumatlara görə, döyüşçülər dünən Vəziristan bölgəsində təhlkəsizlik qüvvələrinə aid 3 nöqtəyə qarşı top və raket kimi silahlardan hücum ediblər.

Bu hücumlardan sonra baş verən qarşıdurmalar nəticəsində ən azı 8 kənddəki hədəflər, top və havadan bombardmana məruz qalıb.

Vurulan hədəflər arasında bir döyüşçü təlim düşərgəsində olub və burada 8 nəfərin öldüyü bildirilib. /ANS PRESS/