Pakistanın cənub-qərbində iki motosikldə olan silahlılar yanacaqdoldurma məntəqəsində avtobusu atəşə tutublar. ANS PRESS-in “Associated Press”ə istinadən verdiyi məlumata görə, insident Belucistan əyalətinin Xuzdar şəhərində qeydə alınıb. Hadisə nəticəsində 18 nəfər ölüb. Onların arasında 8 qadın və 3 uşan da var. Açılan atəş yanacaqdoldurma məntəqəsində yanğına da səbəb olub. Həlak olanlardan ikisi öz maşınlarının yanında dayanıblarmış.

Cinayətə görə məsuliyyəti heç kim öz üzərinə götürməyib. Polis araşdırmalara başlayıb. Hadisənin səbəbi hələlik məlum deyil.

Qeyd edək ki, Pakistanın cənub-qərbində terror aktları tez-tez baş verir. Bölgədə Belucistanın muxtariyyətinə nail olmağa çalışan millətçi qüvvələr var. Bundan başqa, “Taliban” hərəkatının bazaları da bu bölgədə yerləşir.