Çeçenistan prezidenti Ramzan Kadırov bildirib ki, respublikada öldürülən “Nəsli xilas edək” təşkilatının əməkdaşlarından biri əvvəllər qanunsuz silahlı qruplaşmanın (QSQ) üzvü olub. ANS PRESS-in "BBC"ə istinadən verdiyi xəbərə görə, Kadırov Zarem Sadullayevanın əri Alik Cabrailovun əvvəllər QSQ-nın üzvü olduğuna görə, dörd il müddətinə azdlıqdan məhrum edildiyini və üç ildən sonra azadlığa buraxıldığıni qeyd edib.

"Əgər Alik Cabrailov həmin təşkilatın üzvü olduğu zaman çeçenlərdən kimisə öldürübsə, o zaman bu hadisə qan düşmənçiliyi kimi də qiymətləndirilə bilər", - deyə o əlavə edib.

Eyni zamanda Kadırov bu təşkilatın digər əməkdaşının öldürülməsinə səbəb görmədiyini bildirib.

Xatırladaq ki, Qroznıda “Nəsli xilas edək” çeçen gənclər Qeyri-Hökumət Təşkilatlarının rəhbəri Zarema Sadullayeva və onun əri naməlum şəxslər tərəfindən qaçırılaraq öldürülüb. /ANS PRESS/