ABŞ prezidenti Barak Obama çıxışa hazırlaşarkən yıxılıb. Hadisə Obamanın noyabrda keçiriləcək seçkilərə hazırlıq çərçivəsində Floridada seçiciləri ilə keçirdiyi görüş vaxtı baş verib. Prezident Barak Obama qaçaraq çıxış edəcəyi tribunanın olduğu platformun pillələrinə çıxanda ayağı ilişib. Əllərini qabağa verərək tamamilə yerə yıxılmaqdan xilas olan Obama özünü sındırmayaraq tez ayağa qalxıb. Seçicilərinin üzünə gülərək baxan və onları əlini havaya qaldıraraq salamlayan Obama tribunaya doğru gedərək çıxışına başlayıb.