Amerikada fəalyyət göstərən “MSNBC” telekanalının müxbiri Norah O`Donnel sosial şəbəkə saytı “Twitter”də Üsamə (Osama) bin Ladenin öldürülməsi barədə xəbəri səhvən “Obama vurularaq öldürüldü” (Obama shot and killed per) şəklində yazıb. O`Donnel 1 hərf səhvi ilə elan etdiyi bu xəbəri “MSNBC” telekanalının Pentaqon müxbiri Cim Miklasevskiyə (Jim Miklaszevwski) istinadən verib.

ABŞ-ın sabiq prezidenti Corc W Buşun müdafiə naziri Donald Ramsfeldin müşaviri Kit Urban (Keith Urbahn) isə yazdığı “Twitter” mesajında etibarlı mənbələrdən Obamanın öldürüldüyünə dair xəbər əldə etdiyini yazıb.

Amerikada fəaliyyət göstərən və respublikaçılara meylli olan “Drudge Report” saytı isə Üsamə bin Ladenin öldürülməsi barədə xəbərə terrorçu liderin başıaşağı şəklini qoyub və xəbər başlığında qırmızı hərflərlə “Ladeni ələ keçirdik” yazıb.