Amerika Birləşmiş Ştatlar prezidenti Barak Obama Danimarkanın paytaxtı Kopenhagenə gəlib. Qeyd edək ki, bu gün iqlim dəyişkənliyi ilə bağlı keçirilən beynəlxalq sammitin sonuncu və ən həlledici günüdür. Barak Obamanın gəlişi ilə əlaqədar olaraq Kopenhagen hava limanında səhər saatlarından təhlükəsizlik qüvvələri hazır vəziyyətə gətirilib. Ağ ev isə ölkə prezidentinin gəlişi ilə bağlı olaraq sammitdə hansısa irəliləyişin əldə ediləcəyinə ümid edildiyi haqda açıqlama yayıb.
Kopenhagen səfəri çərçivəsində Obamanın Danimarka, Çin, Braziliya və rusiyalı həmkarları ilə görüşü nəzərdə tutulub. ANSPRESS