Somalidən olan “Əl-Şabab” islamçı qruplaşması ABŞ-ın psixoloji müharibəsinə özünəməxsus kinayə ilə cavab verib. Qruplaşma ABŞ prezidenti Barak Obamanın yeri haqqında məlumat çatdıran şəxsə mükafat olaraq 10 dəvə vəd edib. Qeyri-adi təklif Ağ Evin "Əl-Şabab"ın yeddi lideri haqqında verilən məlumata görə 33 milyon dollarlıq mükafat təyin etməsindən sonra gəlib. Bu barədə "Frans Press" agentliyi xəbər verir.

Qruplaşma dövlət katibi Hillari Klinton barədə verilən məlumat isə 10 xoruz və 10 toyuqla dəyərləndirib. Mükafatı elan edən audioyazıda Hilari Klinton “Bil Klintonun ı arvadı kimi təqdim edilib. “İmansız Obama və Bil Klintonun Hillari Klinton adlı arvadının yeri haqqında məlumat gətirən şəxsi mükafatlandıracağam” deyə audiomüraciətdə bildirilir.

Qeyd edək ki, CNN kanalının araşdırmalara görə, Somalidə 1 dəvənin qiyməti təxminən 7 min ABŞ dollarına bərabərdir.