ABŞ prezidenti Barak Obama Hollivudun tanınmış cütlüklərindən olan Ancelina Coli və Bred Pitti Ağ evdə qəbul edib. ANS PRESS in "Associated Press"ə istinadla verdiyi məlumata görə, "Oskar"lı Coli və "Qızıl Qlobus"lu Pitti Ağ evdə jurnalistlər görüblər. Bundan sonra Ağ evin mətbuat xidməti xəbəri təsdiqləyib.

Ağ evin mətbuat xidmətinin məlumatına görə, Obama Bred Pitt və Ancelina Coli ilə hərbi konfiliktlər zamanı kütləvi insan ölümlərinin qarşısını almaq yollarını müzakirə edib.

Məlumata görə, cütlük Vaşinqtona aktrisanın keçmiş Yuqoslaviya ərazisindəki hərbi cinayətlər barədə çəkdiyi ilk filmin premyerası üçün gəliblər.

Qeyd edək ki, tənqidçilər Obamanı tez-tez Hollivud məşhurları ilə sıx münasibət qurmaqda qınayırlar. Ötən il Ağ ev rəhbəri aktyor Corc Klunini qəbul etmişdi. Onlar Cənubi Sudandakı vəziyyəti müzakirə etmişdilər.