ABŞ-ın Nyu-York şəhərinin simvoluna çevrilmiş "Empire State Building" bundan sonra şəhər sakinlərini və qonaqları öz yeni görkəmi ilə sevindirəcək.

Belə ki, Nyu-Yorkun ən hündür göydələninin 1970-ci illərdən bəri köhnə işıqlandırma sistemi dəyişdirilib və indi bina axşamlar yeni LED sistemi ilə işıqlandırılır. Yeni LED sistem müxtəlif formalarda 15 milyon rəng kölgəsi yaratmağa qadirdir.

Qeyd edək ki, 1931-ci ildə inşa edilən "Empire State Building" "Kinq Konq" filmi ilə böyük ekrana gəldikdən sonra Nyu-Yorkun ikonası statusunu qazanıb.