Bu gün Nyu-Yorkda BMT Təhlükəsizlik Şurasının iclası keçiriləcək. Şuranın Gürcüstandakı missiyası ilə bağlı qərarı da elə bu gün məlum olacaq. BMT-nin rəsmi məlumatına görə, Gürcüstandakı müşahidə missiyasının fəaliyyətinin müddəti Şuranın 1866 nömrəli qətnaməsinə uyğun olaraq tənzimlənir.

Yeni qətnamədə də bu məsələyə toxunulmalıdır. Xatırladaq ki, bundan əvvəlki qətnamə ilə bağlı prezident Mixail Saakaşvili ölkəsinin ərazisi ilə alver etməyəcəyini bəyan etmişdi.

Qeyd edək ki, bu günkü qətnamənin qəbul olunmayacağı təqdirdə Gürcüstanda BMT-nin müşahidə missiyasının fəaliyyəti bağlanacaq. Bunu Gürcüstan Xarici İşlər Nazirliyinin departament müdiri Sergi Kapanadze keçirdiyi mətbuat konfransında deyib. /ANS TV/