Nikaraquada leysan yağışları və daşqınlar nəticəsində 70 nəfər ölüb. Ölkənin Mülki Müdafiə Xidmətinin məlumatına görə, 13 mindən artıq nikaraqualı evakuasiya edilib və xüsusi düşərgələrə yerləşdirilib.

Nikaraquada bütün həftə ərzində leysan yağışları yağıb. Daşan çaylar çozlu sayta körpü və avtomobil yollarını yuyub. Kənd təsərrüfatı sahələri məhv olub.

Nikaraqua hökuməti daşqından zərər çəkənlərin yerləşdirilməsi üçün əlavə düşərgələrin salınması barədə qərar qəbul edib. Çünki mövcud düşərgələr dolub.

Təbii fəlakətlə mübarizəyə Nikaraqua ordusunun hissələri cəlb edilib. Onlar insanların təhlükəli ərazilərdən evakuasiyasını həyata keçirirlər.

BMT Ümumdünya Ərzaq Proqrammı çərçivəsində Nikaraquaya 499 min dollar məbləğində humanitar yardım göstəriləcəyini elan edib. ANSPRESS