Nigeriyanın şimal-şərqindəki Damaturu şəhərində baş vermiş silsilə partlayışlarda 60 nəfərin öldüyü, 100 nəfərin isə yaralandığı bildirilir. Hələlik partlayışı əks etdirən heç bir kadr yayılmayıb.

Şahidlərdən birinin “Frans Press” agentliyinə verdiyi məlumata görə, hücumu təşkil edənlərin əsas hədəfi 4 polis məntəqəsi və bir neçə kilsə olub. Partlayış silahlı dəstənin hüquq mühafizə orqanları ilə atışmasından sonra baş verib.

Törədilmiş partlayışlara görə, məsuliyyəti heç kəs öz üzərinə götürməsə də, “BBC” müxbiri xəbər verib ki, hadisədə Nigeriyanın islamçı “Boko Haram” qruplaşmasının əli olduğu ehtimal edilir.